Grundig Kartlegging 2

Vyrde lesar! Som eg lova sist skulle det bli litt kortare pauser mellom innlegga, men det har likevel gått nokre månader sidan forrige oppdatering. Livet krevar sitt.

I dette innlegget vil eg gjerne vise fram ei teikning som eg har brent etter å dele heilt sidan eg var ferdig å blekke den ein gong på vårparten. Dei av dykk som slo av ein prat med meg på Arcon kjenner den kanskje igjen, og no er eg altså endeleg ferdig med fargelegginga. 

Som ein kanskje kan sjå er dette eine halvparten av eit større kart, og dei som har fulgt med på Fjasinga mi ei stund ser kanskje at dette er ei nyteikning av oversiktskartet som var posta i innlegg "12) Grenselandet". Det er riktignok berre eine halvparten av det gamle kartet, nermare bestemt "Austbredden", den sida eg har arbeida mest med til no. Den andre halvparten av kartet er skissa, men eg kjem ikkje til å jobbe med den på ei god stund enda, for eg har fleire andre delprosjekt som eg vil fullføre før arbeidet med "Vestbredden" tek til. 

Dette kartet kan kanskje kallast "Turkart", "Reisekartet" eller "Oversiktskartet", og det er meininga at det skal nyttast saman med ulike "Konfliktkart" av samme typen som eg viste fram i forrige innlegg. 

Avslutningsvis, sjølv om det no byrjar bli ganske åpenbart, kan vel nemnast at eg likar kart. Karta skal eg ta meg av, så for dykk er det vel berre å finne fram snørestøvlar, kompass og kvikklønsj. God tur!

Grundig kartlegging

Hei potensielle lesar!


Det har vore stille på bloggen i over eit år no, men arbeidet med fantasiprosjektet har likevel snegla seg vidare. Mykje har skjedd sidan forrige oppdatering, men enn så lenge legg eg ut eit lite eksempel på korleis dei nye konfliktkarta kjem til å sjå ut:

15) Litt meir nostalgi og einslags introduksjon til "Ferdafolk"

A)Litt meir nostalgi.

I utviklinga av spelskissene til "Tåkefyrstar og Røvarbaroner" (aka. Fantasifjas) har eg kasta meg inn i nostalgisk mimring omkring den tida då eg vart rekruttert til ei spelgruppe. Eg har freista huske dei ulike tinga ved rollespel som fascinerte meg i starten, kva eg tykte var spennande og kva som fekk meg til å halde fram med spelhobbyen.

Når eg no i seinare tid har tenkt tilbake på spelingane eg var med på som fersk rollespelar, så er ein av dei tinga som har brent seg fast konseptet med "Omvandrande Monster". Det var like intenst spennande kvar gong karakterane våre hadde gjort opp leir for kvelden - fordelt vakter for natta, og spelleiaren fann fram "Monster Manualen" og terningar, for å sjå om me fekk sove - og pugge formlar - i fred.

Etterkvart som me vaks til, og fekk meir elitistisk smak i spel, vart dei samme tabellane - ja heile begrepet "Omvandrande Monster" - noko me gremde oss over, og gjorde mykje narr av. Når eg no tenkjer på begrepet, eller mekanikken, så ser eg framleis alle dei fornuftige grunnane til å gå bort frå denslags støttehjul. Likevel så er det noko ved ideen som har vorte meir tiltalande igjen, og som lokkar til resirkulering, om ikkje anna enn som eit nostalgironisk sitat frå ein svunnen ungdom.

B)Introduksjon til Ferdafolk (i Grenselandet).

Som ein truleg kan slutte seg til, ut frå innleiinga, er "Ferdafolk" einslags versjon av "Random encounters"- tabellane frå D&D. 

Når ein fartar langs Heimvegen skal det, i følge prosedyra, jamnleg kastas for Ferdafolk. 

Enkelte plassar, som til dømes vertshus, ferger eller handelsplassar (sjå t.d. innlegga om "Bua" eller "Grindbu") skal det også kastas for Ferdafolk.

Om karakterane lagar leirplass tett opptill Heimvegen, eller nyttar bål, er det og mogelig at det kjem Ferdafolk rekande.

Plansjane og skildringane i dette innlegget (og prosedyrene, tabellane og listene som er under utarbeiding - og som vil bli presenterte etterkvart), kan nyttast som lesar eller spelleiar finn det riktig - ut frå sin eiget ønske, stil eller metode;

- som ein spelmekanikk som vert nytta akkurat slik den vert presentert i dette, og seinare blogginnlegg.

- som inspirasjon til karakterar og/eller statistar i spelleiars eigne historier.

- som utfyllande bakgrunnsmaterial for sandkasse eller kampanjespeling.

- som inspirasjon for spelarar når dei skal lage seg eigne roller.

- som fantaseringsgrunnlag for avanserte lesarar.

- som lettleste illusrterte tekstsnuttar for eventuelle ikkje- spelande lesarar. 

Her er nokre døme på Ferdafolkplansjene:

Akademikarar

Ferdinan Fivreld - Botaniker med forkjærlighet for nattsommerfugler.

Skildring: Ein mild og sart astmatisk botanikar som er på stadig jakt etter nye artar til obejktsamlinga si. Han har støvallergi, lese og skrivevegring, men elskar feltarbeid, ekskursjonar og campinglivet. Han vil, så ofte han klarer, vri samtalen over på sommarfuglar, og med smittande entusiasme gå inn i langdryge utgreiingar om dette ekstremt viktige fagfeltet.

Motivasjon: Oppdage nye sommerfuglartar og gjere verda oppmerksame på den viktige rolla desse nydelege skapningane har i naturen.

Ting og Tang: Han blir veldig fornerma om nokon kaller nattsommarfuglar (som tross alt utgjer over 90% av alle registrerte arter) for "møll". Han har ei omfattande objektsamling som sikkert er verdt ein god slant.

   

Gyda Gauss - Statistiker med feministisk agenda.

Skildring: På høge helar klaprar ho frå grend til grend for å samle inn data til det store prosjektet ho jobbar med. Ho er ein så målretta forskar at ho ikkje skyr noko middel for å få dei misandriske resultata ho leiter etter. Det at ho vert uglesett og kritisert av kollegaene sine bekreftar berre for ho at heile Riksakademia motarbeidar ho i ein fallisk konspirasjon.   

Motivasjon: I tillegg til at ho vil samle inn nok rådata til forskingsprosjektet sitt, nyttar ho også seg sjølv som instrument for å vekke sine undertrykte søstre på bekostning av mannsgrisbefolkinga.

Ting og Tang: Ho nyttar både "løpande protokoll" og "deltakande observasjon" for å tvinge fram dei sanningene ho veit skjuler seg over alt i verda. Veska hennes er full av notatbøker og inneheld og ei dagbok med mange pinlege detaljar.

Victor Vinkel - Skeptiker, geolog, kvistgjenger og idemotorikar.

Skildring: Med sjølvbevist skeptisk mine spradar Victor omkring i verda for å leite etter underjordiske kjelder og mineralforekomstar. På Høgskulen i Haugalandet sitt campus er han velkjent for sin høge treffprosent, og han meiner sjølv han har "evner" - og no leiter han berre etter data for å underbygge kvar desse evnene kjem frå. 

Motivasjon: Han vil finne ut av evnene sine, samtidig som han med filantropisk korrektheit vil nytte dei for å hjelpe folk som har bruk for dei.

Ting og Tang: Alltid hjelpsom, og er ikkje i stand til å takke nei om nokon ber om bistand, noko som gjer at han enno ikkje har komme seg ut av Grenselandet.  Har eit rikt arsenal av ønskekvistar, søkevinklar og andre merkelege reidskap.

Eventyrarar

Bjarne Buskard - Buskgaldrer på flukt, med stjelt skriftrull.

Skildring: Denne forskremte trollmannen er på konstant flukt frå ein, eller fleire, folk han har knabba noko frå - og mistenker alle han møter for å være i ledtog med dei mange fiendane han har skaffa seg. Samme kor mykje trøbbel han hamnar i, så klarer han ikkjekvitte seg med uvana å stikke dei klamme klåfingra hendene sine borti alt mogeleg han ikkje burde røre.

  

Motivasjon: Halde seg i live til han kjem seg i sikkerheit, og leve lykkelig til sine dagars ende på pengane han skal tene på å selge alt tjuvgodset han har grafsa til seg. Ellers vil han stjele fleire ting, eller eventuelt freiste selge tjuvgods til overpris.

  

Ting og Tang: I tillegg til ein veldig verdifull skriftrull har han innerlommene fulle av verdifulle ting han har stjelt. 

Krokar: Vil nytte ein kvar mogeligheit han har til å lette Spelar - og spelleiarkarakterar for ting han trur er verdifulle. Om han skulle klare å selge noko til spelarkarakterar er det verd å merke seg at eigarane av tinga stadig leiter etter dei, og har ein tendens til å dukke opp når ein minst ønsker det.

Ronald Rosenkvist - Velbemidlet huleutforsker og skattejeger.

Skildring: Sidan han vart født inn i det berømte Rosenkvistdynastiet har han aldri trengt å tenke på pengar. Etter ein beskytta oppvekst på kortklipte plenar, innanfor høge murar, på det storslåtte Rosenkvistgodset har han nytta heile ungdommen på farefylte eventyr. Skattane han finn delar han med lokale trengande, og er i ferd med å få eit godt rykte som velgjerar. 

Motivasjon: Utforske kvar ein krik og krok av verda, og oppleve så mange heseblesande eventyr som mogeleg. Distansere seg frå den makt- , og pengegriske familien sin.

Ting og Tang: Vil agressivt avhøyre alle han møter grundig, i håp om at dei veit om eit nytt eventyr han kan legge ut på. Kan lett komme på kant med folk som har noko å skjule! Han har alltid ein masse gull i pungen, og rikeleg med mat i veska.

Krokar: Har ein tendens til å "ta kontroll" over eit kvart eventyr han får snusen i, og gjer alltid ting på "sin måte". 

Gudmund Gullhår - Den sløveste, men heldigste, kniven i skuffa.

Skildring: Denne nyttige idioten slentrar på slump omkring i verda og dumpar stadig borti nye eventyr. Uansett kor farlege dei halsbrekkande situasjonane han rotar seg borti er, så løyser det seg alltid til slutt - heilt ufortjent sjølvsagt! Dei fleste forklarer denne evna hans med at han er for dum til å skjønne kor farleg situasjonane er, noko som eigentleg stemmer riktig så godt. 

Motivasjon: Det som skjer, det skjer, men han har aldri reflektert over kvifor. Som ein barkebåt i livselva følger han straumen dit den måtte føre han. 

Ting og Tang: Han har alltid pengar i pungen, mat i skreppa og vin i feltflaska - og lar seg, med eit stort smil, gjerne utnytte på det grovaste. Likevel er det alltid han som ler sist… men heilt utan skadefryd sjølvsagt. 

Eventyrersker

Berit-Nancy "Frk. Detektiv" Blondbakken - Smart og sjarmerende profesjonell problemløyserske.

Skildring: Den snarrådige og sjarmerande Berit reiser frå bygd til bygd, løyser mproblem og oppklarar mysterier. Med glimt i auget hamlar ho opp med skurkar, urokråker og bandittar på ein måte som får det til å sjå lett ut. Ho har også for vane å ufrivillig knuse minst eit unggutehjarte på kvar plass ho er innom - medan ho sjølv enda ventar "på den rette". 

.

Motivasjon: Bekjempe urett, opprette lov og orden - og på sikt kanskje finne den store kjærleiken. Vil alltid halde med dei svakaste, og mest trengande i samfunnet.

Ting og Tang: Ho har sekken full av takkegåver, både verdifulle og symbolske. 

Ølgjerd "med øksa" Øksnes - Amper og aktiv feminist på eventyr.

Skildring: Dette er ei verd skapt av ein mann, for menn - og som kvinne må ho jobbe minst dobbelt så hardt som mennene for å lukkast - noko ho også gjer. Dette har gjort henne til den beste krigaren i heile tåkeheimen, og sjølv dei barskaste karane respekterer henne. Ho selg, heilt utan skruplar, tenestene sine til høgstbydande - og er tvers gjennom proffesjonell. 

Motivasjon: Tene til livets opphald ved å væra den beste krigaren i verda - samtidig som ho framstår som kvinneleg og sexy!

Ting og Tang: Ho ikler seg alltid ringbrynjer - og tilbehør - av siste mote, og alle våpena ho nyttar er spesiallaga for henne- med ein klar feminin stil. Ho har alltid med seg ei bugnande sminkeveske, fleire flasker eksklusiv godlukt og ein verdifull sølvkam. 

"Vakre Vera" Valkenskiold - Overbevisende, hardtslående og mistenksom eventyrerske

Skildring: Alle i Tåkeheimen har høyrt ryktet om "Vakre Vera", og alle vert like overraska når dei møter ho for første gong. Med merkelege proposjonar kjem ho trampande langs vegen, og ein skjønar raskt at her er det best å halde tunga rett i munnen - og vege orda sine på fjærvekt. 

Motivasjon: Behalde sin gode figur, og halde på sitt gode namn og rykte. Mesteparten av tida er ho ute på hevntokt for å "ta" nokon som har snakka stygt, eller som har spredd "usanne" rykte om ho.På fritida likar ho å knuse framande menn i handbak og eller barslagsmål.

Ting og Tang: Vera tolkar alt i værste meining - og argumenterer best med nevane. Sverdet og skjoldet har ho arva frå mor si, "Nydelege Nina" - fysikken har ho arva etter far sin.  

Krokar: Om spelarkarakterar skulle være så uheldige å fornerme ho, er det greit å merke seg at Vera er veldig langsint, og ho  har ein tendens til å dukke opp på værst tenkelege tidspunkt - for å "gjere opp".

13) Trollpakk

Eg trur ikkje det har vorte sagt tydeleg til no i bloggen - at grendene, eller plansjane, som har vorte presentert IKKJE er scenario. 

Det er ikkje meint at ein skal "spele" dei slik dei er presentert, men at dei skal fungere som bakgrunn for tydeligare utbroderte scenario. 

Dette er også grunnen til at ei (uferdig) scenario/kampanjeskisse vert presentert no - for å gi eventuelle lesarar eit "perspektiv" å lese dei vidare, eller tidlegare, plansjane med. 

Når, eller kanskje heller om, du følger bloggen vidare kan du gjerne ha denne kampanja i bakhodet…

- Korleis ville Folk Flest reagert om det merkelege følget skissert under hadde komme slentrande inn i grenda deira?

- Er det nokon som kunne hjelpt dei? 

- Er det nokon som kunne skapt trøbbel for dei?

Kampanjeskisse: Trollpakk

Dette er, som sagt, berre ei skisse. 

Det er enda ikkje posta nok informasjon, hverken om verda - eller systemet - til at det eigentleg er mogeleg å spele.

Fleire stader i teksten vert det referert til reglar/system/setting som enda ikkje er presentert.

Synopsis.

Karakterane må føre eit eksemplar av den vemmelege, og plagsomme, arten Trollpakk frå heimgrenda si, heilt sør i "Grenselandet", og opp til "Trollbyen" i Tåkefyrstedømet "Huren Luren". Undervegs støter dei på alskens underlege Ferdafolk som rek langs vegane, og ei rekke snåle eksemplar av Folk Flest og andre Lokale Heltar i grender og bygder. 

Vil dei klare å gjennomføre den episke reisa før hausten, og tåkesessongen, startar? 

Karakterar:

Om ein skulle ha spelt denne kampanja "seriøst" trur eg eigentleg det ville vore best om spelarane skapte sine eigne karakterar frå grunnen av. Karakterane under er derfor berre å rekne for skisser, eller helst, mulige karakterar - samstundes som dei seier noko om ungdomskulturen i regionen.

Karakterane i denne kampanjen skal være naive ungdommar med begrensa kunnskap om verda dei må reise gjennom, utforske og oppleve - og passar derfor bra som einslags introduksjon til "Tåkefyrstar og Røvarbaronar"- settingen (aka. Fantasifjas). 

1. "Lykke Liten", eit sultent eksemplar av Trollpakkslekta (Spelleiarskapning).

Lykke Liten vart funnen av Herr og Fru Krikrokli medan det berre var eit lite knøtt, og det aldrande barnlause ekteparet falt pladask for den lille hjelpelause skapningen. Sakte men sikkert har Lykke ete det som er å ete på garden, inkludert Fru Krikrokli, men er framleis svolten.

2. Kari Kroken utkledd som " Hei, Bamsebjørn", i ein heimesydd pels- heildress, - og Kristin Krokbu utkledd som OC (orginal karakter) "Linda Lolitakanin".

Dette er to sprudlande og energiske jenter som likar gutar, handarbeid, eventyrkrystallar, fart og spenning. Dei har begge bein i nasen, sterke meininger og skingrande høge stemmer. Dei er utprega sosiale vesen, og er dei naturlege leiarane for gjengen. 

3. Tåkeløparlerling Kathrine "Katten" Kroken i heimesydd pels- heildress.

Den stille, seriøse og mystiske jenta som fungerer som ein snusfornuftens motvekt til dei to lyserosa venninnene. Dette er og karakteren som stadig overraskar med skjulte evner, stort mot og gode løysingar på problem.

4. Kalle og Kjetil Kroksvingen, begge i heimesydde Naturtro- kostymer.

Desse umodne kjekkasane har forspelt seg på eventyrkrystallar, og draumer om å bli like store krigarar som Naturtro, helten frå favoritteventyrkrystallserien deira. Det gjenstår enda å finne ut om dei berre er skrythalsar, eller om dei er like barske som dei hevdar å være. 

5. Buskgaldrer Bernard Burot, betenkt beskyttar av den kostymekledde ungdomsgjengen som må ut på eventyr (kan fungere som både spelar- eller spelleiarkarakter).

Lokal buskgaldrar som enda har mykje å lære. Glad i fred, ro, meditasjon og urtete. Denne tunge typen er også utstyrt med eit grueleg grettent gemytt og mangel på humor.  

Innleiande scener.

Det vil være naturleg å starte denne kampanjen med nokre faste scener, for å presentere setting, karakterar og sjølve scenarioet. Etter at desse "obligatoriske" scenene er spelte ut, er det meininga at spelgruppa må tilnerme seg verda ut frå skildringar og mekanikk beskrive i rettleiinga (eller bloggen, alt etter som). 

I utgongspunktet bør ein ha ei "sand box" tilnerming til verda. Kampanjen vert då ei "mogeleg retning" - eller ein "eventyrkrok" som spelarane kan velge om dei vil bite på etter at dei innleiande scenene er spelte.

Scene 1: "Leirbålsong".

Ei gruppe ungdommar feirar at semesteret på grendaskulen er over med å reise på campingtur i utmarka som omringer grenda dei bur i. Dei har med seg eventyrkrystallar, snop og energidrikke - og har store planar om å døgne minst to netter på rad. Det vil være naturleg at karakterane etter tur får litt tid til å presentere seg, skryte av eigne evner - og seie litt om kva dei draumer om å bli der i livet.

Scene 2: "Et rop om hjelp!"

Denne scena startar litt utpå natta, akkurat medan ungdommane er på sitt mest hypre. Medan dei driv og åmar seg omkring i soveposane eller heildressane sine - og lagar masse spetakkel, vert dei oppsøkte av ein gråtande bondekar som har høyrt ståket, og sett lyset frå bålet. Bondekaren, Hr. Krikrokli, forklarer hikstande at kona hans er vorte eten av eit Trollpakk. 

Han kan vidare fortelle at det har vorte sendt bod etter den lokale Buskgaldraren, og han lurer på om ungdommane kan hjelpe til med å halde kontroll på beistet til trollmannen er på plass. 

Den fortvila bonden, og historia hans, vert presentert - spelarane er meir eller mindre forplikta å bli med til garden hans for å ta i eit tak.

Scene 3: "Lykkelia"

Skildring av den vesle garden oppe i lia, der eit Trollpakk nett har ete bebuarane frå gard og grunn (Her må det såklart lagast ein plansje - etter samme mal som dei som er presentert tidlegare).

Skildring av det vemmelege Trollpakket, og avklaring av karakteranes umiddelbare reaksjon på dette (sjå tabell under).

Scene 4: "Mens me ventar på Burot"

Skildring av det døgnet det tek før buskgaldraren dukkar opp.

Scena kan med hell spelast/skildrast som ein "montasje" (slike som ein ofte ser på film).

Mykje av utfordringa i scena ligg i å skaffe nok mat til Lykke.

Forvikl gjerne med jamnlege kast for Ferdafolk, Lokale Heltar og/eller Monster!

Scene 5: "Buskgaldrarens Bønn"

Buskgaldraren dukkar endeleg opp, og forklarer at han nok treng hjelp av ungdommane.

- Trollpakket må følgast opp til Trollbyen i Huren Luren.

- På grunn av dei sterke følelsene, og reaksjonane, Trollpakk vekker hjå folk er det ikkje lurt å følge Heimvegane.

- Det vil måtte skaffas store mengder mat undervegs.

- Det er mogeleg at dei vil støte på fleire hindringar lenger oppe i Tåkeheimen, men buskgaldraren vil spele med korta tett, og berre antyde at det kanskje finnes "krefter" som vil være interessert i å gjere turen vanskeleg.

- Det vil sjølvsagt bli lokka med ei stor belønning for vellykka oppdrag.

Scene 6: "Valgets kval"

Skal dei verkeleg ta på seg det farefulle oppdraget? 

Spelarane grunnar og samtaler rundt leirbålet, og vert einige om kva dei skal gjere vidare.

Om Karakterane takkar ja til oppdraget: Ut på tur!

Spel reisa pertenteleg - dag for dag - i ønska system. 

Det vert jobba med å utarbeide eit sett "prosedyrar" for spel, som er meint å skulle fungere systemuavhengig, og som skal "bidra til grunnstemninga" eg er ute etter å skape. 

Desse prosedyrane som skal mellom anna ta for seg:

Reise, Kvile og Møter (av den tilfeldige sorten).

Eg vonar å komme tilbake med meir om dette seinare ein gong.

Om Trollpakk:

(Utdrag frå monstermaualen)

Trollpakk er enkle å kjenne att, både på den store hårmanken i grelle fargar, på det konstant salige gliset, men og på dei sterke følelsane som vert sett i gang hos alle som ser dei. 

Bortsett frå å stirre tomt ut i lufta, og smile fårete, gjer ikkje Trollpakk mykje anna enn å ete. Det er som om det ikkje er botn i dei, og det er nestan umogeleg å stille appetitten deira. 

Det finnest mange skrekkhistorier om stakkars bønder som har funne, vorte glad i, og teke til seg Trollpakk. Desse stakkarane har alle vorte ete frå gard og grunn - og når alt anna er fortært - enda som dessert.

Trollpakk er kjønnslause, og vert fødde - og sette ut i skogen - av ei Trollemor.

Trollpakk Reaksjonstabell (d100*@):

d100	Kjensle	Effekt
01 - 20:	"Mord i blikket"	Karakteren får ikkje ro til sinns før den har laga hakkemat av dette motbydelege monsteret…
21 - 50:	"Er det ikkje deilig å ha nokon å hate?"	Karakteren utviklar umiddelbart eit intenst hat til denne slitsomme skapningen, og vil helst slippe sjå den…
51 - 79:	"For ein latterleg, komisk skapning…"	Karakteren klarer ikkje anna enn å le av denne stakkarslege skapningen, og skadefro byrjar straks pønske ut situasjonar den kan puttast i som gjer den enda meir komisk.
80 - 00:	"Kjærleik ved første blikk <3"	Karakteren vert rørt til tårer, og vert varm i hjartet, av å sjå den hjelpelause og nusselege skapningen, og vil gjere alt i dens makt for at det skal ha det bra.

(* Kastet vert modifisert av relevante Eigenskapar og/eller Dugleikar).

(@ Kastet vert og modifisert av storleiken på Trollpakket, t.d.: - STOx2)

12) Grenselandet

Da var det vel på høg tid å oppdatere litt igjen.

Som nevnt i innlegget "8) Under Lupa" har eg dei siste månadane jobba med eit delprosjekt som eg har kalla "Grenselandet". Dei tre grendene som har vorte presentert i dei foregåande innlegga er henta derifrå. Etter mykje planlegging, ein halv dag med skissing, ein heil dag med blekking og eit par dagar fargelegging kan eg no endeleg vise fram det ferdige kartbladet over området.

Det er mykje visuell informasjon pressa inn på denne sida, og ein del av den kunne nok vorte utdjupa eller diskutert, men for å gjere innlegga mindre teksttunge er dette utelatt i denne omgang. Det einaste eg tek med no er "pitcha" til dei fem scenario- ideane som er market med tal i margen på kartet - berre for å gi nokre idear om korleis kartet kunne vorte nytta.

1. "TROLLPAKK!" 

Ein lang episk kampanje der ei gruppe lokale ungdommar reddar ein stakkars bondefamilie frå eit "Trollpakk", og vidare må føre det gjennom heile "Tåkeheimen" tilbake til "Trollbyen" i "Huren Luren".

2. "I Rocketåka..."

Ein lettbeint og humoristisk kort kampanje der ein følger  Rikskjendisane i populærorkesteret "Barbarane" på turne frå vertshus til vertshus gjennom Tåkeheimen.

3. "Jason & Pixton"

Ein tung og blodseriøs kampanje der ein følger den hektiske og dristige landmålarekspedisjonen frå "Skjold" til "Porten" - for å klarlegge om det er mogeleg å bygge ei gjernbanelinje gjennom Grenselandet.

4. "Gjengen dreg på Isi Pisi Con".

Eit lite satirisk scenario der ein følger ei gruppe lokale ungdommar som skal reise heilt opp til Munning for å ha "art- stand" på festivalen "Isi Pisi Con".

5. Grensevakt med "Besten".

Eit lite historisk- humoristisk scenario der ein følger to ungdommar som må ta seg av den gamle og huskalause bestefaren som lever meir i fortida enn notida.

Såh... då er det ikkje lenger nokon unskyldning: "Ta dette kart, og hold det hardt - og kom deg i veg!"

11) Og enda ei...

Bua

Den første Skyssstasjon på Rute 6 i det halvoffisielle rutekartet over Grenselandet og Nedre Elvheim. Det er også plassen der du kan få kjøpt litt av kvart som du treng. 
Etter å ha hatt ei overveldande kjensle av villmark, får ein her ei påminning om at ordenen fins der ein plass - i form av 2 daglege ankomstar av Pakkbeistekspressen - 1  kvar veg. Det er og plassen for eit varmt måltid og litt sladder ved peisen, før ein tek til på neste etappe mot Elvdalen.

1. Billettbu og Hybel for Ordensvakta på Bua.

Kåre og Bjarne bytter på å sitte vakt i billettbua. Den eine søv borte på hybelen, og den andre legg kabal i bua. Om det skulle skje noko langs vert den av dei som kviler vekt - slik at begge får med seg det som skjer.

Bua er lita og trong, men ein liten vedovn gjer den lun og varm heile året. Hybelen har 2 køyesenger og begrensa kokemogeligheiter, det går mest i kaffe på ovnen. Mat hentar dei seg på Cafeen. 

   

2. Bua Butikk og Matsal.

På Butikken kan ein finne det meste, alt frå soveposar og fiskeustyr, havregryn og nøkkelost, skobørstar og teltpluggar, malingsspann og svømmeføtter, til marsipan og Tårnbakkehonning. Det er Mor eller Linda som ekspederer, medan Bjarne Bugris Jr. og Sr. svirrar omkring i bakgrunnen og fører bok eller inventarlister. Butikken har også det største utvalget i fiskeutstyr og syklar i heile Grenselandet.

Maten er dugeleg, og råvarene lokale. Det er ofte folk innom, og kvar time - på dagtid, kvar tjedje på nattestid - kan det trillast for "Lokale heltar" og "Ferdafolk".

3. Bjarne Bugris Jr. sitt nybygg.

Jr. har fått bygd seg ei lita kirsebærsraud stove på plenen bak Butikken der han og madammen no bur. Hagen har ikkje kommet igang med enda, og denne sesongen har han lova ho at det skal bli fart i sakene… han må berre få ut nokre kroner frå butikken, slik at det kan bli standsmessig gjort. 

4. Bua Post og Spedisjon, filial for Bugrendene er eit stort grønmåla skur, med ein trong hybel i eine enden. Skuret er fullt av post og gods i mellombels oppbevaring, og på hybelen bur ungkar og Postmester av 4. klasse, Patrik Pettersen. Det er han som er "høgast i hatten" på Bua, sjølv om fleire andre i grenda som meiner at det er dei som eigentleg burde være det.

5. Bjarne Bugris Sr. si orange storstove er eit langhus det står respekt av, og sallongen hans kan huse store møter. Madammen har utsmykka alle roma i duse lilla fargetonar, med klassiske møbler og ein veldig høgtidelig stil. Hjå Sr. får ein servert te, om ein vil ha mat må ein fint stikke over på cafeen. 

For mange år sidan, like etter første turen til Nye Elvesal, kjøpte han seg eit trøorgel - i håp om å få huse ein jazzkonsert eingong. 

Folk Flest på Bua

Sjølvutnemnt Ordensvakt. på Bua - Skyssbanden.

Dei vil på pågåande vis halde ro og orden i grenda. Begge ser på seg sjølv som utruleg kjekke og barske karar, og dyrkar kvar sin litt harry stil. Så lenge du betaler billett på Skyssbeistet, og ikkje lagar kvalm på Bua, vil dsei stort sett la deg gå til slutt.  

Postmester Patrik Pettersen

Personen med høgast formelle rang i Bua, og som innimellom må komme ut og ordne opp når dei to i billettbua vert for masete. Han er høgt oppe i skyttarlaget, og kontaktar i Dei Hemmelege Styrkane i Elvheim.   

Kaksen er ein viktig politisk spelar i Elvheim. Han har kontakter i alle lag, og er vanskeleg å komme utanom om ein har planar ein eller annan plass i Bugrendene. Om du er på godfot med kaksen, kan du få ting til - om ikkje vert du blokkert politisk.

Lillebror og Kvisten.

Dårleg skjult hyllest til Anne Cath. Vestlys "Knerten", og hele grenda er på en måte Grenselandets versjon av "Gampetreff". Far er handelsreisande i Kåper og Kjoler for fabrikken i Dalen Bru, men kjem heim nokre dagar annakvar månad, Mor jobber i Butikken, og Lillebror må vente utanfor - heilt til mor kjem i døra og blinker at dei kan ete føremidagsmatpakker. Lillebror får tida til å gå med å snakke til ein rar pinne som han kallar Kvisten, og syklar fram og tilbake framfor billetbua. Lillebror er troande til å snakkemed framandse, og legge ut på små eventyrlegheiter, stadig mens han snakkar høgt til pinnen sin. 

1. "Kontrollør Kåre med Klubba" og "Bjarne Betjent":  - "Til teneste, ferdafolk! Korleis kan me hjelpe dykk?" 

Når det skjer så lite som det no tross alt gjer på Bua, så er Ordensvaktjobben kansjke i kjedeligaste laget. Når ein i tillegg må slite med ein masande drittunge på trehjulsykkel, som stadig trillar ein i beina, så vert ikkje humøret heilt på topp.

Dei få gongene om dagen det endeleg skjer noko vert dei kanskje litt i overkant ivrige i tenesta - og dei gjer det berre veldig tydeleg kvenn som er sjefane i gata der. 

Kåre er god i nevekamp, og riktig så god med klubba, medan Bjarne er svært så nevekampnyttig, og ein nervøs skyttar. Rifla heng alltid klar på veggen i vaktbua.

     

2. Arbeidarane på Bua Butikk og Cafe: - "Velkommen inn, framande, er det noko spesielt du ser etter i dag?"

Siggurd Sleivhendt koker suppe på kjøkkenet. Han er ein grei kokk, og ein driven strengeleikar. Kvar tysdag og torsdag kveld har han fri, for då spelar han i husbandet på Grindbukroa til langt på natt.

Mor jobber som butikk og serveringsdame medan Lillebror venter tålmodig utanfor butikken heile dagane medan ho jobbar. Lillebror føler seg ikkje aleine, for han har jo kompisen sin, Kvisten, til å snakke med.

Linda Limbu jobbar som serveringsdame saman med Mor. Ho synes det er spennande - og litt skummelt - å bu heimefrå for første gong, men samtidig var det godt å komme seg bort frå heimgrenda.

Gabriel Grønningberg er den stille og arbeidsame gartnaren som enda ikkje har fått si diagnose. Han puslar med grønnsakshagen heile dagen, og på kveldane rek han til fjells eller skogs på jakt etter vågestykker.  

  

3. Bjarne Bugris Jr. og Madammen Magdelen: - "Ein dag skal alt dette bli mitt!"

Står som formell eigar og bestyrar for Bua Butikk og Cafe, men skjønar meir og meir at han vert helde for narr. Jo lenger han vert helde frå den reelle makta, og pengane i bedrifta, dess meir barnsleg og ekstrem vil oppførselen utvikle seg. Han er og ein real rundbrennar, og vil til tider verte på kanten innpåsliten og tafsete. Det var mellom anna slik han møtte sin madam - ei fersk serveringsdame på Cafeen, no i burugletrening av svigermora, Madam Marthe. Sist men ikkje mins er Jr. glad i spel og lotteri. Han tippar alltid Tåkelotto, arrangerer stundom pokerlag heime i kjellarstova - og eit par gonger i året spelar han seg bort på casino i Munning.

4. Postmester Patrik Pettersen: - "Diskresjon er vår spesialitet, posten blir hurtig - trykt levert"

Patrick har ein muskedunder under disken, og ein sabel under senga. Han vil nytte desse reiskapane om nokon forsøker tulle med posten. Han tek imot, og sorterer nysgjerrig alle brev og pakkar, før han sender dei med eit av dei ulike postboda som traskar gjennom Grenselandet.

Postmesteren er også ivrig styremedlem i Bugrendene Skyttarlag, og ligg alltid høgt på resultatlistene på Heimskyttarstemna. Ungkar, og heng ofte på Grinbukroa når det spelast musikk der.

5. Bjarne Bugris Sr. og Madammen Marthe: - "Kroner en, kroner 2, kroner 3, kroner 4…"

Ein stolt kapitalist som har bygd opp Bua Butikk og Cafe frå grunnen av, og som no styrer ved å trekke i trådane frå pensjoniststolen sin. Han ønsker sønnen sin alt godt der i verda, men har innsett at guten ikkje klarer ta vare på pengane, og må berre ordne opp. Dette har ført til ei litt anstrengt stemning i grenda, sidan alle må spele ut forestillinga om at Bugris Jr. er sjefen når han er tilstades for å dumme seg ut. Marthe, den makelige madammen, vil også ha eit ord med i laget - og er kjent for å avbryte mannen sin både titt og ofte.

Som ein av dei få sjølvstendige næringsdrivande i Bugrendene var han ein viktig, og inflydelsesrik person. Han har fleire gonger vore kalt inn til tåkeråd i Nye Elvesalen, og snakka Grenselandet si sak. Kunne kanskje vore ein kandidat til Den Ambulerande Tåkefyrstetittelen, før han vart for gammal.