14) Nostalgitripp og Outlands Tegneseriekonkurranse 2010

Eg er eigentleg veldig glad i Outland, og det har eg vore lenge. 

Truleg starta dei varme kjenslene etter at Simen Josefsen leita fram, og solgte meg dei fire "Fafhard & The Grey Mouser"- hefta då han hadde stand på Arcon 9 (eller var det 10?)... Tenke seg til - min favorittserieskapar hadde laga ein serie basert på favoritt- fantasyverda mi! Han byrja til og med å merke alle seriar i katalogen som var teikna av Mike Mignola, slik at eg ikkje skulle gå glipp av nokon av utgivelsane hans.

Eg, og spelgruppa eg var del av den gong då, maste også ganske lenge om at han måtte ta med rollespel i katalogen sin, og gleda var stor då han etterkvart kunne danke ut Avalon med både betre service og snillare prisar.

Året etter, då me arrangerte vår eigen vesle spelfestival, "ArgCon", sponsa Outland oss med premiar - spel  til ein verdi av 2000 kr! Desse vart sendt over fjellet med ein kurer som var nokre år eldre enn oss, veldig hyper, og som me alle syntes var grueleg tøff - sjølv om han hadde eit namn som var umogeleg å skrive; Matthijs. 

Det har sjølvsagt skjedd mykje sidan den gong, men eg er no framleis glad i Outland. 

Derfor brukte eg, for andre år på rad, eit par grå sommerkveldar på å teikne eit bidrag til Outland sin årlige teikneseriekonkurranse. Temaet i år var "Sirkus", og eg bestemte meg straks for å lage ein serie med utgongspunkt i nokre idear eg hadde notert meg då eg fabulerte fram "Den langsame sirkusbyen Triangelurum" (sjå innlegg 8 for teikning av denne rare byen). 

Sjølve serien vart i overkant fjasete, relativt esoterisk, og eg mistenker at innhaldet vart sterkt prega av at eg dreiv og leste den nye regelboka til Warhammer FB i samme periode. 

Her er i alle fall resultatet:

Det vart ikkje noko av bladet på grunn av for få innsendte bidrag, og då serien vart presentert på Nesttserier.no var interessa temmeleg laber. No får eg berre håpe på at spelfolket har lettare for å sette pris på, og ta, alle dei fjollete referansane eg har fletta inn:D